युवा टिम सहित शिवनाथको नेतृत्व सम्हाल्ने तयारीका साथ मातृभूमि प्रवेश गरे जितेन्द्र महता
कञ्चनपुर –काठमाडौँले प्राय दूरदराज मान्ने सुदूरपश्चिमको सीमावर्ती जिल्ला बैतडी, शिवनाथ गाउँपालिका त्यही विकट भूगोलबाट एउटा युवाले बुनेका सपना, बोकेको सङ्घर्ष र काँधमा काढेको जिम्मेवारीको कथा आज दक्षिण कोरिया हुँदै स्वदेशसम्मै एउटा उदाहरणीय दृष्टान्त बनेको छ ।
सामान्य श्रमजीवीका रूपमा दक्षिण कोरिया प्रवेश गरेका जितेन्द्र सिंह महताको कोरिया बसाइ व्यक्तिगत जीविकोपार्जनमा मात्र सीमित रहेन । डेढ दशक लामो प्रवास यात्रालाई ज्ञान, सीप, सामाजिक सेवा र उच्च शिक्षा हासिल गर्ने थलो बनाउँदै हालै स्वदेश फर्किएका महताको यात्राले नयाँ पुस्ताका युवाहरूलाई दृढ इच्छाशक्ति र समाजप्रतिको उत्तरदायित्वको ठुलो सन्देश दिएको छ ।
कोरियामा रहँदा व्यावसायिक र व्यक्तिगत स्तरोन्नतिका साथै महताले गैरआवासीय नेपाली सङ्घ नेपाली जनसम्पर्क समिति, सुदूरपश्चिम प्रदेश समाज (पूर्वअध्यक्ष तथा संरक्षक) लगायत दर्जनौँ सामाजिक ...
