सहारा घरलाई एनएमबी लघुवित्तको खाद्यान्न सहयोग

एनएमबी लघुवित्त वित्तीय संस्थाले आफ्नो  १४ अौँ वार्षिक उत्सवको अवसर पारी कैलालीको बर्दगोरिया गाउँपालिका–२ मा रहेको सहारा घरलाई खाद्य सामग्री सहयोग गरिएको छ ।  प्रादेशिक कार्यालय धनगढी मार्फत  सहारा घरलाई खाद्य सामग्री सहयोग गरिएको  हो

लघुवित्तले १३ वर्ष पुरा गरी १४ वर्ष पुरा गरेको अवसरमा सहारा घरलाई खाद्यान्न सहयोग गरिएको लघुवित्तका धनगढी प्रादेशिक कार्यालयका क्षेत्रीय प्रबन्धक राजेश ठकुल्लाले बताए । उनका अनुसार सहारा घरलाई ५ बोरा चामल, १४ किलो दाल, १ पेटी खाने तेल, ५ किलो नुन, ५ किलो चिनि, १ किलो चियापत्ती, १ पेटी स्याउ, ४ किलो अंगुर, १० किलो आलु, ५ किलो प्याज, ५ किलो टमाटर, ५ किलो गोभी, ५ किलो लौका र २ किलो बैगुन सहयोग गरिएको हो ।
आईतबार एक कार्यक्रमका बिच सो सामग्री सहारा घरलाई हस्तान्तरण गरिएको छ । परिवार, समाजले हेला गरेका मानवलाई सहारा दिनु सानो कुरा नभएको हुँदा केही सहयोग होस भन्ने उद्देश्यले खाद्यान्न वितरण गरेको उनको भनाई थियो । आफूहरूले सहारा घरमा पुगेर खाद्यान्न वितरण गर्न पाउँदा निकै खुसी लागेको क्षेत्रीय प्रबन्धक राजेश ठकुल्लाले बताए ।
कार्यक्रममा बोल्दै बर्दगोरिया वडा न २ का वडाध्यक्ष गोबिन्द बहादुर वि.क. ले दिन दुखी र असहायलाई सहयोग गर्नु मानवीय धर्म भएको  बताए ।
असहायका लागि सहयोगी हात नेपालद्वारा सञ्चालित सहारा घरलाई लघुवित्तले गरेको सहयोगका लागि सहारा घरका सञ्चालक बल बहादुर विष्टले धन्यवाद ज्ञापन गरे । उनले घरपरिवारबाट अपहेलित, असहाय, घर परिवार विहीन तथा अपहेलनामा परेका सहारा विहीनहरूलाई सहारा दिइरहेको उनले बताए । कार्यक्रममा साडेपानी शाखाका शाखा प्रमुख महेश भट्ट, गोदावारी शाखाका शाखा प्रमुख मनिषा कुमारी चन्द, धनगडी शाखाका शाखा प्रमुख दुर्गा भट्ट, जोशीपुर शाखाका शाखा प्रमुख हेमा चौधरी, कर्मचारी आर्यन ताम्राकार, देवकी जोशी, कमल बहादुर धामी र सुनिल पाण्डेयकोे सहभागिता रहेको थियो । अहिले १ सय जना मानसिक रोगीहरू बसोबास गरिरहेका सो घरले धेरै जनालाई परिवार मिलान गराई घर फर्काइसकेको छ ।