धनगढी_ विशेष महाधिवेशनपछि गगन कुमार थापा नेतृत्वको नेपापालि कांग्रेसले आज सुदूरपश्चिम प्रदेशमा पहिलो ठूलो राजनीतिक शक्ति प्रदर्शन गर्दैछ ।
धनगढीमा हुने ‘प्रदेश र स्थानीय तह केन्द्रित प्रदेशस्तरीय भेला’ लाई सभापति गगन कुमार थापाले उद्घाटन गर्ने कार्यक्रम छ । भेला निवर्तमान सभापति शेरबहाददुर देउवाको गृहप्रदेशमै आयोजना गरिएकाले यसको राजनीतिक अर्थ अझ चासोका साथ हेरिएको छ ।
भेलामा सहभागी हुन उपसभापति विश्वप्रकाश शर्मा र महामन्त्री गुरुराज घिमीरे धनगढी पुगिसकेका छन् । पार्टीको नीति अनुसन्धान तथा प्रशिक्षण प्रतिष्ठानद्वारा आयोजित भेलामा प्रतिनिधि सभा निर्वाचनको समीक्षा, स्थानीय तहका जनप्रतिनिधिको कार्यसम्पादन र आगामी राजनीतिक रणनीतिबारे व्यापक छलफल हुने बताइएको छ ।
कांग्रेस स्रोतका अनुसार भेलामा सुदूरपश्चिमका प्रतिनिधि सभा क्षेत्रबाट उम्मेदवारहरूको रिपोर्टिङ, प्रदेश सरकारको समीक्षा र संगठन पुनर्संरचनाको विषय पनि उठ्नेछ । कार्यक्रममा प्रदेश समिति, जिल्ला सभापति, स्थानीय तहका प्रमुख–उपप्रमुख, प्रदेश सांसद, मन्त्री तथा विभिन्न तहका पार्टी पदाधिकारीलाई सहभागी गराइएको छ । प्रत्येक सहभागीबाट २ हजार ५ सय रुपैयाँ दर्ता शुल्क तोकिएको छ ।
२७ गते हुने दोस्रो चरणको कार्यक्रममा स्थानीय तहका जनप्रतिनिधि, प्रदेश सभा सदस्य तथा सरकारका प्रतिनिधिलाई प्रशिक्षण दिने कार्यसूची छ । उक्त प्रशिक्षण विश्वप्रकाश शर्माले दिने बताइएको छ ।
भेलाको समन्वयको जिम्मा प्रकााशश रसाइली स्नेहिलाई दिइएको छ भने सहजीकरणमा उदय शमसेर खटिएका छन् ।
