धनगढी । धनगढीस्थित रेडिकल एकेडेमीले Hotel Management अध्ययनरत ३५ जना विद्यार्थीहरूलाई ६ महिनाको अन्तर्राष्ट्रिय इन्टर्नसिपका लागि भारतको राजस्थान पठाएको छ। विद्यार्थीहरूले भारतका प्रतिष्ठित होटल तथा आतिथ्य व्यवस्थापन संस्थानहरूमा प्रत्यक्ष रुपमा व्यावसायिक तालिम लिनेछन्।
विदेशी Exposure र व्यवहारिक दक्षताको उद्देश्यसहित विद्यार्थीहरूको विदाइका लागि विशेष कार्यक्रमको आयोजना गरिएको थियो। कार्यक्रममा रेडिकल एकेडेमीका प्रबन्ध निर्देशक प्रकाश छेडालले विद्यार्थीहरूलाई शुभकामना दिँदै इन्टर्नसिप यात्राको औपचारिक शुभारम्भ गरे। सो अवसरमा विद्यार्थी, अभिभावक, सञ्चारकर्मी तथा शिक्षक-शिक्षिकाहरूको उल्लेखनीय उपस्थिति रहेको थियो।
इन्टर्नसिपमार्फत व्यवहारिक शिक्षाको बलियो आधार
छ महिनासम्म भारतमा रहने विद्यार्थीहरूले फ्रन्ट अफिस व्यवस्थापन, हाउसकिपिङ, फूड एन्ड बेभरिज, किचन म्यानेजमेन्ट, ग्राहक सेवा लगायत होटल व्यवस्थापनका विविध पक्षहरूमा हातमा काम गर्दै सिक्ने अवसर प्राप्त गर्नेछन्।
कार्यक्रममा बोल्दै छेडालले भने,
“हामी विद्यार्थीलाई केवल सैद्धान्तिक ज्ञानमा सीमित राख्न चाहँदैनौं। जीवनका लागि आवश्यक सीप, अन्तर्राष्ट्रिय अनुभव र उद्यमशील सोच विकास गराउने लक्ष्यले हामीले यो इन्टर्नसिप आयोजना गरेका हौं।”
उनले थपे, “विदेशमा सिकेर फर्किएका विद्यार्थीहरू भविष्यमा आफैं होटल वा रेष्टुरेन्ट सञ्चालन गर्न सक्ने नेतृत्व क्षमता र आत्मविश्वासका साथ फर्किनेछन्।”
विदेशी इन्टर्नसिपका मुख्य फाइदा:
अन्तर्राष्ट्रिय स्तरको कार्य अनुभव
होटल तथा आतिथ्य क्षेत्रमा प्रत्यक्ष सीपको विकास
बहु-भाषिक र सांस्कृतिक विविधता भित्र काम गर्ने अवसर
रोजगारी र उद्यमशीलताको ढोका खोल्ने
टीमवर्क, नेतृत्व, आत्मनिर्भरता र पेशागत अनुशासनको विकास
कार्यक्रममा अभिभावकहरूले एकेडेमीप्रति आभार प्रकट गर्दै भने,
“रेडिकल एकेडेमीले हाम्रा छोराछोरीको भविष्य निर्माणमा जुन प्रतिबद्धता देखाएको छ, त्यसले हामी अभिभावकलाई गर्वको महसुस गराएको छ।”
विद्यार्थीहरू विदेशमा प्राप्त अनुभव, सीप र Exposure को साथ फर्किएपछि उनीहरूका लागि राष्ट्रिय तथा अन्तर्राष्ट्रिय होटल तथा पर्यटन क्षेत्रमा उज्वल सम्भावनाहरू खुल्ने विश्वास गरिएको छ।
