कञ्चनपुरको बेलौरीमा लागुऔषध सहित एक युवक पक्राउ परेका छन् । बेलौरी–१ फटिया स्थित सीमा क्षेत्रमा लागुऔषध सहित एक युवक पक्राउ परेका छन् ।
सशस्त्र प्रहरी बल, नेपाल फर्वार्ड बेस कार्गिलडाँडा बाट सशस्त्र प्रहरी नायब निरीक्षक केवल बहादुर ओलीको कमाण्डमा खटिएको पाँच जनाको मोटरसाइकल गस्ती टोलीले भारतबाट नेपालतर्फ पैदल आउँदै गरेका शुक्लाफाँटा नगरपालिका–६ कसरौल निवासी २४ वर्षीय अनिश रानालाई शंकाको आधारमा जाँच गरेको थियो। जाँचका क्रममा रानाको साथबाट ABL SPASMED नामक ४३ वटा ट्याब्लेट र NITRZPM-10 नामक ८ वटा ट्याब्लेट बरामद भएको सशस्त्र प्रहरीले जनाएको छ।
बरामद गरिएको लागुऔषधसहित पक्राउ परेका रानालाई आवश्यक अनुसन्धान तथा कानुनी कारबाहीका लागि प्रहरी चौकी फटियामा बुझाइएको सशस्त्र प्रहरी बलले जनाएको छ ।
